Auður í krafti kvenna

LeiðtogaAuður 

LeiðtogaAuður hefur þann tilgang að efla tengsl kvenna í leiðtoga og stjórnunarstöfum hjá íslenskum fyrirtækjum.

Markmið félagsins er að konur í forystusveit íslensks viðskiptalífs kynnist hver annarri og geti nýtt sér tengsl, stuðning, aðstoð og önnur tækifæri sem félagsskapurinn býður upp á, auk þess að vera þeim konum sem á eftir koma hvatning, fyrirmynd og stuðningur.

LeiðtogaAuður einbeitir sér að málefnum viðskiptalífsins og því umhverfi sem það starfar í á hverjum tíma.

LeiðtogaAuður varð til í tengslum við verkefnið ,,AUÐUR í krafti kvenna” sem stóð yfir á árunum 2000-2003.

Félagskonur eru nú um 80, lang flestar eru þær í stjórnendastöðum, oft framkvæmdastjórar, hjá stórum og meðalstórum fyrirtækjum í íslensku atvinnulífi.

Boðað hefur verið til Aðalfundar LeiðtogaAuða mánudaginn 6. júní nk.

Mæting kl. 17.00 og byrjað á skoðunarferð um Hörpuna.

Aðalfundur hefst kl. 17.30 - 18.30 (Salurinn Rima jarðhæð).

Dagskrá Aðalfundar
1. Skýrsla stjórnar um starfsemi þess síðastliðið starfsár
2. Ársreikningur félagsins fyrir liðið starfsár lagður fram til staðfestingar
3. Kynning á niðurstöðu stefnumörkunar og tillaga um framtíðarstarfsemi félagsins
4. Kosning stjórnar
5. Val á nýjum félagskonum
6. Önnur mál


LeiðtogaAuður býður félagskonum í kvöldverð á Kolabrautinni eftir aðalfund - endilega látið vita hvort þið verðið ekki með í matnum.

Við vonum að sem flestar sjái sér fært að mæta.

Aðalfundur LeiðtogaAuðar var haldinn í Iðusölum í Reykjavík þann 4. júní 2010 og mættu 24 konur á fundinn.

Jóhanna Waagfjörð formaður félagsins flutti skýrslu stjórnar þar sem hún fór yfir helstu þætti í starfsemi. Dagskrá síðasta vetrar var með hefðbundnum hætti, mánaðarlegir hádegisverðarfundir á Vox, fyrirtækjaheimsóknir, árleg ráðstefna fyrir félagskonur var haldin á Nauthól þar sem þemað var TRAUST og mættu 24 konur á ráðstefnuna. Auk þess tók LeiðtogaAuður þátt í undirbúningi hvatningarfundar sem haldinn var á Hótel Nordica í febrúar 2010. Fundarefnið var “Virkjum karla og konur” þar sem lögð var áhersla á mikilvægi þess að auka hlut kvenna í íslensku atvinnulífi. Þáttaka í ráðstefnunni var mjög góð og um 300 aðilar, bæði konur og karlar, mættu til að styðja málefnið.

Á aðalfundinum gengu úr stjórn þær Kristín Pétursdóttir og Jóhanna Waagfjörð og var þeim þakkað fyrir gott starf í þágu LeiðtogaAuðar. Í þeirra stað taka sæti í stjórn LeiðtogaAuðar þær Liv Bergþórsdóttir og Sigrún Ragna Ólafsdóttir.

Gjaldkeri félagsins, Hildur Árnadóttir, fór yfir rekstur og efnahag síðastliðið starfsár. Stjórn ákvað að vel athuguðu máli að innheimta ekki félagsgjöld á síðasta starfsári enda stjóðstaða góð og ekki talin þörf á að safna digrum sjóðum. Ný stjórn mun í haust ákveða með innheimtu félagsgjalda á næsta starfsári en miðað við umræðu á aðalfundi má gera ráð fyrir að félagsgjöld verði innheimt.

Steinunn Sigurðardóttir fatahönnuður var gestur aðalfundar og flutti hún mjög fróðlegt erindi um gildi hönnunar og voru líflegar umræður að því loknu.

Starfsárið 2010 – 2011 er stjórn LeiðtogaAuðar skipuð eftirfarandi aðilum:

Brynja Guðmundsdóttir, formaður

Hildur Árnadóttir, gjaldkeri

Hrund Rudolfsdóttir

Guðrún Högnadóttir

Liv Bergþórsdóttir

Sigrún Ragna Ólafsdóttir.

Vorfundur 8. apríl 2010
Nauthóll – veitingastaður Nauthólsvík
Þema: TRAUST

Dagskrá:
12:30 - 13:00 Mæting og léttar veitingar
13:00 - 15:00 Fyrri hluti: Hvernig byggjum við upp þjóðfélag sem einkennist að trausti og hærri siðferðiskennd?
Fyrirlesari 1: Guðfinna Bjarnadóttir, stjórnunarráðgjafi og fv. rektor
Fyrirlesari 2: Birna Einarsdóttir, bankastjóri Íslandsbanka
Fyrirspurnir/umræða
15:00 – 15:15 Kaffihlé
15:15 - 17:00 Seinni hluti: Hvað get ég gert til að byggja upp traust sem einstaklingur og stjórnandi?
Fyrirlesari 1: Jóna Hrönn Bolladóttir, prestur
Fyrirlesari 2: Stefán Einar Stefánsson, siðfræðingur
Fyrirspurnir/umræður
17:00 – 18:00 Útivist og verklegar æfingar(léttar) undir stjórn Practical
18:00 Kokteill
18:30 Kvöldverður og skemmtiatriði
Kostnaðurinn er 5.000 kr. og við munum senda ykkur calendarbókun núna rétt á eftir fyrir morgundaginn. Vonandi sjá sér fleiri færi á að mæta þannig að við fáum mikla og góða umræðu um málefni fundarins. Þær sem nú þegar eru bókaðar á vinnudaginn þurfa einnig að skrá sig til að við sjáum að skilaboðin hafi komist til allra þannig að enginn keyri upp í Borgafjörð í fyrramálið að óþörfu.

Vinnudagar hjá LeiðtogaAuði hafa alltaf verið ótrúlega skemmtilegir og fræðandi og ekki má gleyma hvað þetta er frábær leið til að kynnast betur innbyrðis og styrkja tengslanet LeiðtogaAuðar sem án efa er eitt af því mikilvægasta sem félagsskapurinn hefur upp á að bjóða.

f.h. stjórnar
Jóhanna Waagfjörd

Aðalfundur LeiðtogaAuða verður haldinn þriðjudaginn 19. maí n.k. Fundurinn verður haldinn í Háskólanum í Reykjavík og hefst kl. 18:00.  Eftir aðalfundastörf verður ljúfengur kvöldverður.  Nánari upplýsingar þegar nær dregur aðalfundi.